Қазақстан Кубогының жартылай финалистері анықталды
Фото: ФК Женис
Астана, Ақтөбе, Қызылорда және Шымкент қалаларында Қазақстан Кубогының ширек финал матчтары өтті, деп хабарлайды Pin-UpSport.kz. Кездесулер қорытындысы бойынша турнирдің жартылай финал жұптары белгілі болды.
Финал жолдамасы үшін «Ордабасы» мен «Алтай», сондай-ақ «Жеңіс» пен «Қайсар» кездеседі. Бұған дейін «Қайрат» пен «Астана» жарысты 1/8 финалда аяқтаған еді. Ал ширек финалдан кейін қазіргі трофей иегері «Тобыл» да турнирден шығып қалды.
Қостанайлық клуб Қызылордада өткен матчта «Қайсарға» пенальти сериясында жол берді. Негізгі уақыт 1:1 есебімен аяқталды. Алаң иелері сапынан Бақдәулет Қоңлымқос мергендік танытса, «Тобыл» құрамында Дәурен Жұмат есепті теңестірді. Пенальти сериясында қызылордалықтар 5:3 есебімен жеңіске жетті.
«Жеңіс» өз алаңында «Қызылжарды» 2:0 есебімен жеңді. Гол авторлары — Элдер Сантана мен Адилио дос Сантос. «Ордабасы» болса Давид Абаньяның голының арқасында «Жетісудан» 1:0 есебімен басым түсті. Ал «Ақтөбе» мен «Алтай» арасындағы матч ең тартысты кездесу болды. Негізгі және қосымша уақыт 1:1 есебімен аяқталып, пенальти сериясында өскемендік клуб жеңіске жетіп, сенсациялық түрде жартылай финалға шықты.
