Анна Данилина Римдегі WTA 1000 турнирінің екінші айналымына шықты
Фото: VCG via Getty Images
Қазақстандық теннисші Анна Данилина америкалық Эйжа Мухаммадпен бірге Римде өтіп жатқан WTA 1000 турнирінің екінші айналымына өтті, деп хабарлайды Pin-UpSport.kz. Қазақстандық-америкалық жұп алғашқы айналымда қиын жеңіске жетті.
Турнирде алтыншы нөмірмен тіркелген Данилина мен Мухаммад Қытай өкілдері Синью Янь мен Сюй Ифаньға қарсы матчтың фавориті саналған еді. Бірінші сетте олар 6:4 есебімен жеңіске жетті.
Екінші партияда бастама толықтай қытайлық теннисшілерге өтті. Олар қарсыластарын 6:1 есебімен жеңіп, есепті теңестірді. Матч тағдыры шешуші үшінші сетте анықталды.
Қытайлық жұп 9:6 есебінде төрт матчболға ие болғанымен, Данилина мен Мухаммад камбэк жасап, кездесуді 13:11 есебімен өз пайдасына аяқтады. Енді олар 1/8 финалда Ирина Хромачёва мен Джулиана Олмос жұбына қарсы ойнайды.
Айбар Рысдаулет
Жозе Моуринью «Реалға» қайта оралуы мүмкін
Александр Бублик Рим турнирінің жұптық сынындағы жарысын аяқтады