Наоя Иноуэ The Ring нұсқасы бойынша P4P рейтингінің көшін бастады
Жапониялық боксшы Наоя Иноуэ The Ring журналының нұсқасы бойынша салмақ дәрежесіне қарамастан үздік боксшылар рейтингінде бірінші орынға көтерілді, деп хабарлайды Pin-UpSport.kz. Ол бұл нәтижеге кезекті жеңісінен кейін жетті.
Иноуэ отандасы Дзюнто Накатаниді жеңгеннен кейін рейтинг көшіне шықты. Бұл жекпе-жек Накатани үшін кәсіби мансабындағы алғашқы жеңіліс болды. Бұған дейін бірінші орында тұрған Александр Усик екінші орынға түсті.
Рейтингтің алғашқы бестігі де өзгеріске ұшырады. Америкалық Дэвид Бенавидес Хильберто Рамиресті жеңгеннен кейін үздік бестікке енді, ал Дмитрий Бивол бұл қатардан шығып қалды. Сонымен қатар Шакур Стивенсон мен Джесси Родригес те жоғары орындарын сақтап қалды.
P4P рейтингінің үздік ондығына Наоя Иноуэ (33-0), Александр Усик (24-0), Шакур Стивенсон (25-0), Джесси Родригес (23-0), Дэвид Бенавидес (32-0), Дмитрий Бивол (24-1), Дзюнто Накатани (32-1), Девин Хейни (33-0), Оскар Коллазо (13-0) және Эмануэль Наваррете (40-2-1) кіреді.
Айбар Рысдаулет
Шавкат Рахмонов UFC-дегі ең ұзақ жеңіс сериясы бар файтерлер қатарында
Қамшыбек Қоңқабаев төрт жылдан кейінгі алғашқы жекпе-жегін өткізеді