Александр Бублик ATP рейтингінің үздік ондығына қайта кіре алмады
Фото: The New York Times
Қазақстандық теннисші Александр Бублик Мадридтегі турнирден кейін ATP әлемдік рейтингінің алғашқы ондығына қайта орала алмады, деп хабарлайды Pin-UpSport.kz. Қазіргі таңда ол 11-орында тұр.
Бубликтің еншісінде 3445 ұпай бар және ол үздік ондықты қорытындылайтын Даниил Медведевтен 115 ұпайға қалып келеді. Бұған дейін бұл айырма 105 ұпай болған. Рейтингтің көшін 13350 ұпаймен Янник Синнер бастап тұр, екінші орында 12960 ұпаймен Карлос Алькарас, ал үшінші орында 5255 ұпаймен Александр Зверев орналасқан.
Мадрид турнирінің нәтижесі рейтингке әсер еткенімен, Бублик өз позициясын жақсарта алмады. Соған қарамастан, ол үздік ондыққа жақын орналасқан.
Қазақстанның басқа теннисшілері арасында Александр Шевченко 704 ұпаймен 82-орында тұр. Тимофей Скатов 188-орынға көтерілді, Михаил Кукушкин 281-орында, Бейбит Жұқаев 297-орында, Денис Евсеев 440-орында, Дмитрий Попко 618-орында, Амир Омарханов 621-орында, ал Григорий Ломакин 946-орында орналасқан.
Айбар Рысдаулет
Елена Рыбакина WTA рейтингінде екінші орнын сақтап қалды
Әли Ахмедов WBO рейтингінде жоғарылады