Илия Топурия ММА мансабынан кейін боксқа өтуді жоспарлап отыр
Фото: Sportbox
UFC-дің жеңіл салмақтағы чемпионы Илия Топурия аралас жекпе-жектегі мансабын аяқтаған соң кәсіби бокста өзін сынап көргісі келетінін айтты, деп хабарлайды Pin-UpSport.kz. Ол бұл жоспардың нақты бар екенін растады.
Топурияның сөзінше, боксқа өту міндетті түрде жүзеге асады.
«Әрине, мен бокста жекпе-жек өткіземін. Бұл міндетті түрде болады. Кем дегенде ММА-ны аяқтағаннан кейін осы қадамға барамын. Қарсыласым кім болатынын әзірге білмеймін. Уақыты келгенде қараймыз, қай салмақта өнер көрсетемін, сол дивизиондағы чемпион кім болады — бәрін ескеру керек», — деді ол.
Келесі жекпе-жегін Топурия 14 маусымда UFC турнирінде өткізеді. Бұл кездесуде ол Джастин Гейджимен басты кардта күш сынасады.
Соңғы айқасында ол 2025 жылдың маусымында Чарльз Оливейраны бірінші раундта нокаутпен жеңіп, чемпиондық атақты жеңіп алған. Қазіргі таңда оның еншісінде 17 жеңіс бар, жеңіліс жоқ.
Айбар Рысдаулет
Елена Рыбакина Страсбург турниріне қатыспайды
Елена Рыбакина барлық жабында Чжэнді жеңген алғашқы теннисші атанды