Елена Рыбакина 2026 жылы 4 миллион доллардан астам табыс тапты
Фото: WTA
Қазақстандық теннисші Елена Рыбакина 2026 жылғы маусымда 4 миллион доллардан астам жүлде қаржысын жинады, деп хабарлайды Pin-UpSport.kz. Оның негізгі табысы ірі турнирлердегі нәтижелерінің арқасында қалыптасты.
Ең ірі табыс көзі — Australian Open турниріндегі жеңіс болды. Бұл жетістік үшін ол 2 739 365 доллар алды. Сонымен қатар Индиан-Уэллс турнирінде финалға дейін жетіп, 612 340 доллар табыс тапты.
Майамидегі турнирде жартылай финалға шыққаны үшін Рыбакина 340 190 доллар иеленді. Бұл нәтижелер оның маусымдағы жалпы табысын айтарлықтай арттырды.
Қалған жүлделер былай бөлінді: Штутгарттағы жеңісі үшін 190 143 доллар, Дохадағы ширек финал үшін 98 500 доллар, Дубайдағы 1/8 финал үшін 49 250 доллар және Брисбендегі ширек финал үшін 37 640 доллар алды. Осылайша, Рыбакинаның 2026 жылғы жалпы табысы қазіргі таңда 4 067 428 долларды құрайды.
Айбар Рысдаулет
Мадридтегі WTA 1000 турнирінің жүлде қоры жарияланды
Бейбіт Жұқаев Кванджудағы турнирде алғашқы айналымда жеңілді