Жәнібек Әлімханұлы рингке оралу туралы мәлімдеме жасады
Жанибек Алимханулы. Фото: Getty Images
Қазақстандық боксшы Жәнібек Әлімханұлы мансабындағы күрделі кезеңнен кейін мәлімдеме жасап, рингке қайта оралу жоспарларымен бөлісті, деп хабарлайды Pin-UpSport.kz. Спортшы өзінің жауынгерлік рухын сақтап отырғанын айтты.
Әлімханұлы қиындықтарға қарамастан берілмейтінін атап өтті. «Біз бұрынғыдаймыз. Көп адам мұндай жағдайда адам сынады деп ойлайды. Жоқ, біз орнымыздамыз, саптамыз. Алла қаласа, жаттығуды бастаймыз. Алдағы жекпе-жек желтоқсанға жоспарланған, біз оған дайындықты бастап кеттік», — деді ол.
Сонымен қатар ол жанкүйерлерге алғыс білдірді. «Біз – Qazaq style. Біз сынбадық, өмірімізді жалғастырып, жоспар құрып жатырмыз. Алда мықты жекпе-жектер бар, бізде екінші тыныс ашылды», — деп қосты Әлімханұлы.
Еске салайық, өткен жылдың желтоқсан айында Әлімханұлының талдауынан тыйым салынған зат анықталып, нәтижесінде ол IBF тұжырымы бойынша чемпиондық белбеуінен айырылды. Ал WBO оның титулын сақтап қалғанымен, боксшыны биылғы жылдың желтоқсанына дейін шеттеткен.
Айбар Рысдаулет
Янник Синнер Монте-Карлодағы «Мастерсті» жеңіп, әлемнің бірінші ракеткасы атанды
Жалғас Жұмағұлов Алматыдағы турнирге қатысу себебін түсіндіріп, болашағы туралы айтты