«Астана» клубы жаңа иеге өтуі мүмкін
Фото: ФК Астана
Елордалық «Астана» клубы жаңа меншік иесіне өтуі мүмкін, жекешелендіруге үміткерлердің бірі ретінде «ВД Строй-Инжиниринг» құрылыс холдингі аталады, деп хабарлайды Pin-UpSport.kz. Әлеуетті инвестор клубтың жағдайын тексеруді бастап кеткен.
Дереккөз мәліметінше, компания ықтимал мәміле алдында клубқа аудит жүргізіп жатыр. «ВД Строй-Инжиниринг» 2004 жылы құрылған және Қазақстанда бірқатар ірі инфрақұрылымдық жобаларды жүзеге асырған. Олардың қатарында Қызылордадағы стадион, Астана мен Түркістандағы ипподромдар, «Медеуді» жаңғырту және Алматыда жаңа футбол аренасын салу бар.
2025 жылдың желтоқсан айынан бастап компанияның бақылау кеңесін Еркин Окасов басқарады. Ол сонымен қатар Қазақстан күрес федерациясының президенті қызметін атқарады.
ҚПЛ-2026 маусымында «Астана» бес матчтан кейін сегіз ұпай жинап, турнирлік кестеде бесінші орында тұр. Соңғы турда команда «Ордабасы» клубымен 1:1 есебімен тең ойнады, ал Ян Вороговский 90+5-минутта есепті теңестірді.
Айбар Рысдаулет
Қазақстан көркем гимнастикадан Ташкенттегі Әлем кубогы кезеңінде күміс жүлдеге ие болды
«Реал» Тони Кроосты клуб құрылымына қайтаруды жоспарлап отыр