Кенжебек Қазақстанға жалға берілуі мүмкін
Фото: Soccrates
«Ахмат» клубының және Қазақстан құрамасының жартылай қорғаушысы Ғалымжан Кенжебек Қазақстан чемпионатына жалға ауысуы мүмкін, деп хабарлайды Pin-UpSport.kz. Ойыншыға ҚПЛ-дың бірнеше клубы қызығушылық танытып отыр.
Деректерге сәйкес, Кенжебекке «Ордабасы», «Ақтөбе» және «Елимай» клубтары қызығушылық білдіруде. Шымкенттік клуб ойыншыны осы трансферлік кезеңде жалға алуды қарастырып отыр, алайда семейлік команда да негізгі үміткерлердің бірі саналады. Футболшының өзі бұрын Қазақстанға оралған жағдайда «Елимайда» ойнағысы келетінін айтқан.
Кенжебек қысқы трансфер кезеңінде «Ахматқа» ауысқанымен, әзірге тұрақты ойын тәжірибесін ала алмады. Ол ресейлік клуб сапында бар болғаны төрт минут қана алаңға шықты.
Ресей чемпионатының 22 турынан кейін «Ахмат» 30 ұпай жинап, турнирлік кестеде сегізінші орында тұр. Қазақстан клубтарының біріне ауысу футболшыға тұрақты ойын тәжірибесін алуға мүмкіндік беруі мүмкін.
