Әлімханұлы IBF шешімінен кейін мәлімдеме жасады
Фото: Alamy Stock Photo
Жеңіліс көрмеген қазақстандық орта салмақтағы боксшы Жәнібек Әлімханұлы Халықаралық бокс федерациясының оны чемпиондық титулдан айыру туралы шешіміне қатысты пікір білдірді, деп хабарлайды Pin-UpSport.kz. Спортшы бұл жөнінде әлеуметтік желідегі парақшасында жазба жариялады.
Қазақстандық боксшы өз жазбасында мансабын жалғастыратынын және бұл жағдайдың оны тоқтатпайтынын айтты. «Біз тоқтамаймыз! Енді біз үшін бәрі енді ғана басталады!» — деп жазды Әлімханұлы инстаграмдағы сторисінде.
Бұған дейін Халықаралық бокс федерациясы қазақстандық боксшының орта салмақтағы IBF чемпионы атағынан айырылғанын хабарлаған болатын. Мұндай шешімнің себебі — допинг сынамасынан кейінгі дисквалификация салдарынан Әлімханұлының белгіленген мерзімде міндетті қорғау жекпе-жегін өткізе алмауы. Ұйым ережесіне сәйкес, чемпион титулды 2026 жылдың 4 шілдесіне дейін қорғауы тиіс болған. Боксшының командасы бұл шешімге апелляция беретінін мәлімдеді.
Соған қарамастан Жәнібек Әлімханұлы орта салмақтағы WBO нұсқасы бойынша әлем чемпионы атағын сақтап отыр. Дисквалификация мерзімі аяқталғаннан кейін қазақстандық боксшы осы белбеуді міндетті түрде қорғауы керек. Ұйым талабына сәйкес, оның қарсыласы WBO-ның уақытша чемпионы болады.
