Ямаль «Барселона» тарихындағы рекорд орнатты
Ламин Ямаль. Фото: Getty Images
«Барселона» клубының вингері Ламин Ямаль Чемпиондар лигасындағы матчта тарихи көрсеткішке қол жеткізді, деп хабарлайды Pin-UpSport.kz. Испаниялық футболшы каталондық клуб тарихындағы еурокубоктардағы ең кеш соғылған пенальти голының авторы атанды.
Бұл жағдай Чемпиондар лигасының 1/8 финалындағы «Барселона» мен «Ньюкасл» арасындағы алғашқы кездесуде тіркелді. Матч 1:1 есебімен аяқталды. Ойын барысында «Барселона» ойыншысы Дани Ольмоға қарсы ереже бұзылып, төреші пенальти белгіледі. 11 метрлік айып добын орындауға 18 жастағы Ламин Ямаль шықты.
Opta статистикалық порталының мәліметіне сәйкес, Ямаль соққан гол матчтың 95:50 минутында тіркелді. Бұл «Барселона» клубының Чемпиондар лигасындағы тарихындағы ең кеш соғылған пенальти голы болып саналады. Осы голдың арқасында каталондық команда қарсыласымен алғашқы ойында тең нәтижеге қол жеткізді.
«Барселона» мен «Ньюкасл» арасындағы жауапты кездесу 18 наурызда өтеді. Матч Барселона қаласындағы «Спотифай Камп Ноу» стадионында ұйымдастырылады. Екі ойынның қорытындысы бойынша келесі кезеңге өтетін команда анықталады.
Айбар Рысдаулет
Гризманн МЛС-ке ауысу туралы қауесеттерге пікір білдірді
Әлімханұлы IBF шешімінен кейін мәлімдеме жасады