Гризманн МЛС-ке ауысу туралы қауесеттерге пікір білдірді
Мадридтің «Атлетико» клубының шабуылшысы Антуан Гризманн Чемпиондар лигасының 1/8 финалындағы «Тоттенхэмге» қарсы алғашқы матчтан кейін МЛС клубына ауысуы мүмкін деген ақпаратқа қатысты пікір білдірді, деп хабарлайды Pin-UpSport.kz. Бұл кездесуде испаниялық команда 5:2 есебімен жеңіске жетті.
Матчтан кейін француз футболшысы қазіргі уақытта Солтүстік Америка лигасына ауысу мәселесін қарастырмайтынын айтты. Оның сөзінше, ол «Атлетико» клубында өзін жақсы сезінеді және командамен бірге алға қойған мақсаттарға жетуге назар аударып отыр.
«Мен мұнда өте бақыттымын және ойынымнан үлкен ләззат аламын. Менің мақсатым — «Атлетикоммен» Чемпиондар лигасының финалына шығу және Испания кубогын жеңу. Бұл — менің арманым», — деді Гризманн.
Бұған дейін бұқаралық ақпарат құралдарында француз шабуылшысы «Орландо Сити» клубына ауысуы мүмкін деген ақпарат тараған еді. Кейінірек футболшы бұл мүмкін трансферді кем дегенде қазіргі маусым аяқталғанға дейін кейінге қалдыру туралы шешім қабылдағаны белгілі болды. Мұндай шешімге «Атлетиконың» Испания кубогының финалына шығуы да әсер еткені айтылды.
Клуб басшылығы мен бапкерлер штабы Гризманнды маусым соңына дейін командада қалдыруға мүдделі. Команда француз шабуылшысы алдағы ойындарда «Атлетикоға» жүлде үшін күресте көмектеседі деп үміттенеді. Чемпиондар лигасының 1/8 финалындағы «Тоттенхэм» мен «Атлетико» арасындағы жауапты матч 19 наурызда Лондонда өтеді. Осы қарсыластықтың жеңімпазы ширек финалда «Барселона» мен «Ньюкасл» жұбының жеңімпазымен кездеседі.
Айбар Рысдаулет
Әлімханұлы IBF шешіміне апелляция бермек
Ямаль «Барселона» тарихындағы рекорд орнатты