Сұлтан Заурбек WBO рейтингінің үздік 15 боксшысы қатарынан шығып қалды
Фото: boxing
Қазақстандық боксшы Сұлтан Заурбек екінші жартылай жеңіл салмақтағы Дүниежүзілік бокс ұйымының (WBO) жаңартылған рейтингінде үздік 15 спортшының қатарына енбеді, деп хабарлайды Pin-UpSport.kz. Ұйым жариялаған жаңа тізімде қазақстандық боксшының аты-жөні көрсетілмеген.
Бұған дейін Сұлтан Заурбек осы салмақ дәрежесінде WBO рейтингінде 14-орында тұрған болатын. Алайда рейтингтің соңғы жаңартылған нұсқасында ол үміткерлер қатарынан тыс қалды. Қазіргі уақытта бұл салмақтағы чемпиондық белбеу мексикалық боксшы Эмануэль Наварретеге тиесілі. Чемпиондық атаққа негізгі үміткерлер қатарында филиппиндік Чарли Суарес, австралиялық Лиам Уилсон және жапониялық Кеничи Огава бар.
Сұлтан Заурбек соңғы жекпе-жегін 5 сәуір күні Астана қаласында өткізді. Бұл кездесуде ол Оңтүстік Африка Республикасының боксшысы Азинга Фузилемен қолғап түйістірді. Он екі раундқа созылған жекпе-жектің қорытындысы бойынша төрешілер жеңісті бірауыздан қазақстандық спортшыға берді.
Сұлтан Заурбек ұзақ уақыт бойы Ұлыбританияда жаттығып, сол жерде өнер көрсетіп келді. Оның кәсіби мансабын «Wasserman Boxing» промоутерлік компаниясы жүргізді. Сондай-ақ жаттығу жиындарының бірінде қазақстандық боксшы ауыр салмақтағы бұрынғы әлем чемпионы Энтони Джошуамен бір залда дайындалған.
