Милад Карими Бакудегі әлем кубогы кезеңінде күміс медаль жеңіп алды
Милад Карими. Фото: Olympic.kz
Қазақстандық гимнаст Милад Карими Әзірбайжан астанасы Бакуде өтіп жатқан спорттық гимнастикадан әлем кубогы кезеңінде күміс жүлдегер атанды, деп хабарлайды Pin-UpSport.kz. Ол еркін жаттығулар бағдарламасының финалында өнер көрсетіп, жарысты екінші орынмен аяқтады.
Финалдық бағдарламада Карими 14.300 ұпай жинады. Бұл нәтиже қазақстандық спортшыға жарыс қорытындысында екінші орын алуға мүмкіндік берді. Бірінші орынды Беларусь өкілі Егор Шарамков иеленді, оның нәтижесі 14.533 ұпай болды. Үшінші орын жапониялық гимнаст Казуки Минамиге бұйырды, ол 14.200 ұпай жинады.
7 наурыз күні Бакудегі әлем кубогы кезеңінде параллель брусьядағы жаттығулардың финалы да өтті. Бұл бағдарламада Қазақстан атынан Дмитрий Патанин өнер көрсетті. Ол финалда 13.166 ұпай жинап, жарысты жетінші орынмен аяқтады.
Бакудегі жарыс бағдарламасы әлі жалғасуда. Қазақстан құрамасының бірнеше спортшысы алдағы финалдық кезеңдерде бақ сынайды. Милад Карими мен Дияс Тойшыбек кермедегі жаттығулар финалында өнер көрсетеді. Сонымен қатар Зейнолла Идрисов пен Нариман Курбанов ат снарядындағы жаттығулар финалында жарысқа қатысады.
Айбар Рысдаулет
Закир Найманбаев Power Slap лигасында үшінші жеңісіне жетті
Сұлтан Заурбек WBO рейтингінің үздік 15 боксшысы қатарынан шығып қалды