Рафаэль Уразбахтин «Қайраттың» Суперкубоктағы жеңілісіне пікір білдірді
Фото: BSR Agency
«Қайраттың» бас бапкері Рафаэль Уразбахтин Қазақстан Суперкубогы аясында «Тоболға» қарсы өткен матч нәтижесіне қатысты пікір айтты, деп хабарлайды Pin-UpSport.kz. Негізгі уақыт тең аяқталып, жеңімпаз пенальти сериясында анықталды.
Бапкердің айтуынша, команда жеңіске жақын болғанымен, соңғы минуттардағы айып добынан жіберілген гол ойын тағдырына әсер еткен. Ол матч барысына талдау жасалып, алдағы кездесулерге дайындық күшейтілетінін атап өтті.
«Не айтарымды білмеймін… Әрине, жеңіліс өкінішті. Иә. Біз жеңіске өте жақын едік, соңғы екі минут қалған сияқты еді, сол кезде айып добынан гол жіберіп алдық. Одан кейін пенальти сериясы болды… Сәл ғана сәттілік жетіспеді.
„Тоболды“ Суперкубокты жеңіп алуымен құттықтаймын. Біз өз ойынымызды талдап, алға жылжимыз. Алда чемпионат басталады, қызықты матчтар көп. Қазір жетінші күні өтетін келесі ойынға дайындықты бастаймыз», — деді Уразбахтин.
Ол алдағы маусымда команда негізгі мақсаттарынан айнымайтынын және чемпионат аясында жоғары нәтижеге ұмтылатынын жеткізді.
Айбар Рысдаулет
«Тобыл» пенальти сериясында «Қайратты» жеңіп, Суперкубокты иеленді
Нұрбол Жұмасқалиев «Тобылдың» кубоктық ойындарға көзқарасын түсіндірді