«Ақтөбе» АПЛ-дың экс-футболшысын қатарға қоспақ
«Ақтөбе» футбол клубы албаниялық «Эгнатиямен» жартылай қорғаушы Арбенит Джемайлидің ауысуы жөнінде келісімге келді, деп хабарлайды Pin-UpSport.kz. Бұл туралы шетелдік ақпарат көздері жазды.
Balkanweb.com мәліметінше, «Эгнатия» клубы ойыншы трансфері үшін өтемақы алады, ал футболшы Қазақстанға көшуге дайындалып жатыр. Джемайли 2023 жылдан бері албаниялық команда сапында ойнап келеді, оның келісімшарты 2027 жылға дейін жарамды болған.
28 жастағы жартылай қорғаушы Косово ұлттық құрамасының ойыншысы. Ол 2019 жылы ұлттық команда сапында дебют жасаған. Джемайли Швейцарияның «Цюрих» клубының түлегі саналады.
Бұған дейін футболшы «Ксамакс», ағылшынның «Сандерленд» және австриялық «Вадуц» клубтарында өнер көрсеткен. Transfermarkt дерегіне сәйкес, оның нарықтық құны 600 мың еуроға бағаланады.
