Шымкентте «Ордабасыға» инвестиция тарту жөніндегі меморандумға қол қойылды
Ордабасы
Шымкент қаласында қала әкімдігі мен «Integra Construction KZ» ЖШС арасында кәсіби футбол клубтарын жекешелендіру және коммерцияландыру жөніндегі Мемлекет басшысы Қасым-Жомарт Тоқаевтың тапсырмасы аясында ынтымақтастық туралы меморандумға қол қойылды, деп хабарлайды Pin-UpSport.kz. Құжатқа қала әкімі Ғабит Сыздықбеков пен компания басшылығы қол қойды.
Келісім «Ордабасы» клубына жеке инвестиция тартуды және басқарудың тұрақты нарықтық моделіне көшуін көздейді. Негізгі бағыттардың қатарында корпоративтік басқарудың заманауи стандарттарын енгізу, материалдық-техникалық базаны жаңғырту және жаттығу инфрақұрылымын дамыту бар. Сонымен қатар басқару үдерістерін цифрландыру және клубтың коммерциялық тиімділігін арттыру жоспарланып отыр.
Қала әкімі жеке инвестицияларды тарту футбол инфрақұрылымын дамытуға және жас ойыншыларды даярлауға жаңа мүмкіндіктер беретінін атап өтті. Оның айтуынша, бұл қадам Шымкенттің елдегі футбол орталықтарының бірі ретіндегі позициясын нығайтып, клубтың ұлттық және халықаралық деңгейдегі бәсекеге қабілеттілігін арттыруға бағытталған.
Инвестор өкілі жобаның ұзақмерзімді сипатқа ие екенін айтты. Соңғы жылдары «Ордабасы» клубында заманауи оқу-жаттығу базасы ашылып, жаттығу алаңдары мен залдар жаңартылды және жас футболшыларды даярлау жүйесі қалыптастырылды. Қол жеткізілген келісімдерді жүзеге асыру басқару сапасын арттыруға, бюджет жүктемесін азайтуға және клубтың тұрақты дамуын қамтамасыз етуге бағытталған.
Айбар Рысдаулет
АПЛ клубтары «Милан» ойыншысы Кристиан Пулишичке қызығушылық танытуда
Луиш Нани Криштиану Роналдуның балалық шағы туралы пікір білдірді