Елена Рыбакина Qatar Open турнирінің ширек финалында жеңілді
Qatar Open турнирінің ширек финалында қазақстандық теннисші Елена Рыбакина Канада өкілі Виктория Мбокомен кездесті, деп хабарлайды Pin-UpSport.kz.
Үш сетке созылған тартысты матч қорытындысы бойынша жеңіс канадалық спортшының еншісіне тиді.
Qatar Open маусымдағы беделді жарыстардың бірі саналады және әлемнің үздік теннисшілерін жинайды. Елена Рыбакина ширек финалға дейінгі кезеңдерде сенімді ойын көрсетті. Ол бұған дейін Қытай теннисшілері Чжэн Циньвэнь мен Ван Синьюйді жеңіп, турнирдің үздік сегіздігіне жолдама алған болатын.
Алғашқы сетте есеп 5:5 болғанға дейін қарсыластар тең дәрежеде ойын көрсетті. Кейін Виктория Мбоко қатарынан екі геймді ұтып, партияны 7:5 есебімен аяқтады. Екінші сетте Рыбакина бастаманы қолға алып, 6:4 есебімен жеңіске жетіп, матчтағы теңдікті қалпына келтірді. Шешуші үшінші партияда канадалық теннисші шешуші сәттерде дәл ойнап, 6:4 есебімен басым түсті.
Осылайша, кездесу 7:5, 4:6, 6:4 есебімен Виктория Мбоконың пайдасына аяқталды. Елена Рыбакина турнирді ширек финал кезеңінде аяқтады.
Айбар Рысдаулет
Қазақстан құрамасы Ұлттар лигасы 2026/27 маусымындағы қарсыластарын білді
Қазақстан құрамасы Венгриямен жолдастық матч өткізеді