Александр Бублик Роттердамдағы ATP 500 турнирінің келесі кезеңіне өтті
Фото: Eurasia Sport Images
Нидерландтың Роттердам қаласында ATP 500 санатындағы турнир басталып, алғашқы айналымда қазақстандық теннисші Александр Бублик жеңіске жетті, деп хабарлайды Pin-UpSport.kz.
Ол Польша өкілі Хуберт Хуркачты үш сетке созылған кездесуде ұтып, жарыстың келесі кезеңіне жолдама алды.
Роттердамдағы ATP 500 турнирі маусым басындағы беделді жарыстардың бірі саналады және жоғары деңгейдегі спортшыларды жинайды. Алғашқы айналым матчтары екі жеңіске дейінгі форматта өтеді. Александр Бублик үшін бұл кездесу турнирдегі алғашқы сынақ болды.
Кездесудің бірінші сетінде Хуберт Хуркач тай-брейкте 7:6 (2) есебімен басым түсті. Екінші партияда Александр Бублик есепті теңестіріп, тай-брейкте 7:6 (1) нәтижесімен жеңіске жетті. Үшінші сет те тартысты өтті. Бұл жолы тай-брейкке жеткізбей, қазақстандық теннисші шешуші геймдерде басымдық танытып, 7:5 есебімен матчты өз пайдасына аяқтады.
Осылайша, кездесу 2:1 есебімен Александр Бубликтің пайдасына аяқталды. Келесі айналымда қазақстандық спортшы Германия теннисшісі Ян-Леннарт Штруффпен кездеседі. Матч 12 ақпанға жоспарланған.
Айбар Рысдаулет
Сауль Альварес Дмитрий Биволмен реванш өткізу мүмкіндігін жоққа шығармады
Қазақстан құрамасы Ұлттар лигасы 2026/27 маусымындағы қарсыластарын білді