Каземиро «Манчестер Юнайтедтен» кетуге жақын
Бразилия құрамасының жартылай қорғаушысы Каземиро Солтүстік Американың МЛС лигасындағы клубтармен белсенді келіссөздер жүргізіп жатыр және мансабын осы бағытта жалғастыру мүмкіндігін қарастыруда, деп хабарлайды Pin-UpSport.kz.
Танымал инсайдер Экрем Конурдың мәліметінше, қазіргі уақытта бразилиялық ойыншыны өз қатарына қосуды көздеп отырған негізгі үміткер — «Лос-Анджелес» клубы.
Каземироның болашағына қатысты жағдай «Манчестер Юнайтедтегі» құрылымдық өзгерістермен тікелей байланысты. Ағылшын клубының басшылығы құрамды жаңарту және жалақы қорын қысқарту бағытын таңдады. Осы саясат аясында жасы келген әрі жоғары жалақы алатын ойыншылармен қоштасу жоспарланып отыр. Каземиро да дәл осы санатқа енді. Сонымен қатар, жартылай қорғаушының өзі де «қызыл сойқандар» сапындағы кезеңінің аяқталып келе жатқанын түсінгені айтылып жүр.
22 қаңтар күні «Манчестер Юнайтед» бұл ақпаратты ресми түрде растады. Клуб Каземироның маусым соңында командадан кететінін мәлімдеді. Бразилиялық футболшы 2022 жылы мадридтік «Реалдан» ауысып келген еді. Осы уақыт аралығында ол барлық турнирлерде 146 матч өткізіп, 21 гол соғып, 13 нәтижелі пас авторы атанды. Алғашқы маусымдарда ол орталық алаңдағы ойынды тұрақтандыруда маңызды рөл атқарды.
Қазіргі таңда Каземиро үшін ең ықтимал бағыт ретінде МЛС қарастырылып отыр. Бұл лигада ол жаңа мотивация алып, жоғары деңгейде өнер көрсетуін жалғастыра алады. Transfermarkt порталының дерегіне сәйкес, тәжірибелі жартылай қорғаушының нарықтағы құны 8 миллион еуроға бағаланып отыр. Футболшының келешегіне қатысты түпкілікті шешім маусым аяқталар тұста қабылданады деп күтілуде, алайда келіссөздер қазірдің өзінде нақты кезеңге өткен.
Айбар Рысдаулет
Қазақстан құрамасының Ұлттар лигасындағы матчтарының болжамды күндері белгілі болды
Айдос Медет АҚШ-та өткен жекпе-жекте кәсіби мансабындағы алғашқы жеңілісіне ұшырады