«Ақтөбе» Миралем Пьяничтің ауысымы бойынша келісімге келді
Фото: DeFodi Images
«Ақтөбе» клубы трансферлік нарықтағы белсенді жұмысын жалғастыруда. Португалиялық жартылай қорғаушы Нанимен келісімшартқа қол қойғаннан кейін, актөбелік клуб босниялық хавбек Миралем Пьяничтің ауысымы бойынша келісімге келгені туралы ақпарат тарады.
35 жастағы футболшы өткен маусымда Мәскеудің ЦСКА клубының сапында өнер көрсетті. 2025 жылдың жазында оның ресейлік ұжыммен келісімшарты аяқталып, тараптар ынтымақтастықты жалғастырмау жөнінде шешім қабылдады. Осыдан кейін Пьянич еркін агент мәртебесіне ие болды.
Миралем Пьянич Еуропаның жетекші чемпионаттарындағы ойындарымен кеңінен танымал. Әр жылдары ол «Барселона», «Ювентус», «Рома», «Лион», «Мец» клубтарында ойнады. Сонымен қатар «Бешикташ» пен БАӘ-нің «Шарджа» командасының намысын қорғаған. Жартылай қорғаушы халықаралық деңгейде мол тәжірибе жинақтап, еурокубоктық кездесулерге тұрақты қатысқан.
Пьяничтің «Ақтөбе» сапына қосылуы алдағы маусым қарсаңындағы маңызды әрі даулы трансферлердің бірі болмақ. Бұл ауысым команданың орталық алаңдағы ойынын күшейтіп, құрамға тәжірибе мен сапа қосады деп күтілуде.
Айбар Рысдаулет
Сенегал құрамасы Кубок Африка турнирінің чемпионы атанды
Зарина Дияс Australian Open-2026 турнирін бірінші айналымда аяқтады