Александр Меркель алғаш рет Қазақстан Премьер-лигасында өнер көрсетеді
Фото: Heracles
Қазақстан ұлттық құрамасының бұрынғы ойыншысы Александр Меркель кәсіби мансабында алғаш рет Қазақстан Премьер-лигасында ойнайды, деп хабарлайды Pin-UpSport.kz. Тәжірибелі жартылай қорғаушы елордалық «Женис» клубының оқу-жаттығу жиындарына қосылып, команда құрамындағы алғашқы жаттығуын өткізді.
Александр Меркель қазақстандық жанкүйерлерге ұлттық құрамадағы ойындарымен жақсы таныс. Ол алғаш рет 2015 жылы Қазақстан құрамасына шақырту алып, Исландияға қарсы жолдастық кездесуде алаңға шықты. Кейін 2019 жылы ұлттық команданың сапына қайта оралып, Шотландия және Ресей құрамаларына қарсы ресми матчтарға қатысты. Алайда құжаттық мәселелер мен ұйымдастырушылық қиындықтарға байланысты оның ұлттық құрамадағы мансабы жалғасын таба алмады.
«Женис» клубына ауысу Меркель үшін Қазақстан чемпионатындағы алғашқы тәжірибе болмақ. Бұған дейін ол тек шетелдік клубтарда өнер көрсетіп, ел ішіндегі жарыстарға қатыспаған. Қазіргі таңда футболшы жаңа ортаға бейімделіп, бапкерлер штабының талаптарына үйреніп жатыр. Клуб басшылығы оның халықаралық деңгейдегі тәжірибесі мен тактикалық сауаттылығы команданың ойын құрылымына оң әсер етеді деп сенеді.
Александр Меркельдің клубтық мансабы өте кең географиясымен ерекшеленеді. Ол әр жылдары Италияның «Милан», «Дженоа» және «Удинезе» клубтарында, Англияның «Уотфорд» командасында, Швейцарияның «Грассхопперс» ұжымында өнер көрсетті. Сонымен қатар Германия, Сауд Арабиясы, Түркия, Нидерланд пен Австрия клубтарының намысын қорғады. Соңғы клубы Дубайдың «Легентус» командасы болды. Енді Меркель Қазақстан Премьер-лигасында жаңа белес ашып, ел ішіндегі чемпионатта өзін көрсетуге мүмкіндік алады.
Айбар Рысдаулет
«Қайрат» қорғаныс шебін бразилиялық қорғаушымен күшейтті
Александр Бублик Роттердамдағы ATP-500 турниріне қатысады