ФИФА «Тобылға» трансферлік шектеу енгізді: тыйымның алыну мерзімі белгілі болды
«Астана» — «Тобол». Фото: Пресс-служба ФК «Астана»
Қостанайдың «Тобоыл» футбол клубына қатысты ФИФА енгізген трансферлік тыйымға байланысты қосымша мәліметтер белгілі болды, деп хабарлайды Pin-UpSport.kz. Қолда бар ақпаратқа сәйкес, бұл жағдай күрделі сипатқа ие емес және жақын күндері оң шешімін табуы мүмкін.
Журналист Елдар Аманбаевтың мәліметінше, ФИФА тарапынан салынған шектеу уақытша ғана және келесі жұмыс аптасының басында алынуы ықтимал. Оның айтуынша, бұл тыйым ауыр қаржылық немесе құқықтық мәселелермен байланысты емес, сондықтан клуб басшылығы жағдайдың тез арада реттелетініне сенімді. Осыған байланысты «Тобыл» алдағы трансферлік жоспарларына елеулі өзгеріс енгізуді көздеп отырған жоқ.
Бұған дейін ФИФА-ның ресми сайтында 2025 жылдың 28 желтоқсанынан бастап қазақстандық клубқа жаңа ойыншыларды тіркеуге тыйым салынғаны туралы ақпарат жарияланған болатын. Алайда халықаралық ұйым бұл шешімнің нақты себептерін ашып көрсеткен жоқ. Қазіргі уақытқа дейін «Тобыл» клубының баспасөз қызметі тарапынан да ресми түсініктеме берілген жоқ.
Алдын ала болжам бойынша, қажетті рәсімдер мен техникалық мәселелер шешілгеннен кейін «Тобыл» трансферлік қызметін толық көлемде қайта жалғастыра алады. Егер тыйым қысқа мерзімде алынатын болса, бұл жағдай команданың жаңа маусымға дайындығына айтарлықтай әсер етпейді. Алдағы күндері ФИФА немесе клуб тарапынан ресми мәлімдеме жасалып, аталған мәселеге нақты нүкте қойылады деп күтілуде.
Айбар Рысдаулет
«Астананың» шабуылшысы «Крылья Советовқа» ауысуы мүмкін: трансфер құны белгілі болды
Елена Рыбакина WTA 500 Брисбен турнирін қай қарсыласпен бастайтыны белгілі болды