Килиан Мбаппе техникалық демеушісін ауыстыруы мүмкін
Фото: ВВС
Мадридтік Реал клубының және Франция ұлттық құрамасының шабуылшысы Килиан Мбаппе жақын арада техникалық демеушісін ауыстыруы ықтимал, деп хабарлайды Pin-UpSport.kz. RMC Sport деректеріне сүйенсек, немістің adidas компаниясы футболшымен жеке келісімшарт жасауға айрықша қызығушылық танытып отыр.
Ақпарат көздерінің мәліметінше, adidas Мбаппені өз жобасының басты тұлғаларының бірі ретінде қарастырады және келісімге келу үшін белсенді жұмыс жүргізуде. Неміс бренді қазіргі таңда «Реалдың» ресми экипировкалаушысы болып саналады, бұл фактор келіссөздер барысында маңызды артықшылыққа айналуы мүмкін. Компания үшін клуб пен оның басты жұлдызының бір өндірушінің спорттық киімін киюі маркетингтік тұрғыда үлкен әсер береді.
Қазіргі уақытта Килиан Мбаппенің техникалық серіктесі болып Nike есептеледі. Америкалық бренд француз футболшымен бірнеше жылдан бері табысты әріптестік орнатқан. Дегенмен, adidas тарапынан жасалып жатқан ұсыныс әлемдік футболдағы ең ірі жеке демеушілік келісімдердің біріне айналуы мүмкін екені атап өтілуде.
Килиан Мбаппе мадридтік клуб сапына 2024 жылдың жазында қосылды және қысқа мерзім ішінде команданың негізгі ойыншыларының біріне айналды. Ағымдағы маусымда ол барлық турнирлерде 26 матч өткізіп, 29 гол соғып, бес нәтижелі пас берді. Осындай жоғары көрсеткіштер мен жаһандық жұлдыз мәртебесі Мбаппенің болашақ техникалық серіктесін таңдауда шешуші рөл атқарады. Футболшының демеушілік келісімге қатысты түпкілікті шешімі маусым аяқталғаннан кейін белгілі болады деп күтілуде.
Айбар Рысдаулет
Энтони Джошуа Майамиде Джейк Полды нокаутқа жіберді
Ярмоленконың «Ақтөбеге» ауысуы туралы қауесет шындыққа сәйкес келмейді