«Қызылжар» клубы 2026 жылғы маусымда бір миллиард теңге көлемінде жеке инвестиция алады
Фото: Кызылжар
Энергетика саласының кәсіпкері Сергей Кан 2026 жылғы маусымда «Қызылжар» футбол клубын дамытуға бір миллиард теңге көлемінде қаржы құятынын мәлімдеді, деп хабарлайды Pin-UpSport.kz.
Сонымен қатар ол алдағы жылдары клубқа арналған академия мен жаңа жаттығу алаңдарын салуды жоспарлап отырғанын жеткізді. Бұл бастamalar инфрақұрылымды жаңғыртуға бағытталған ұзақ мерзімді жобаның бөлігі болмақ.
Клуб бюджеті жеке және мемлекеттік қаражат есебінен қалыптасады. Келесі маусымда облыстық бюджеттен Қазақстан Премьер-лигасындағы команда шығындары үшін шамамен екі миллиард теңге бөлінеді. Жеке инвестициямен бірге «Қызылжардың» жалпы қаржыландыруы үш миллиард теңгеге жуықтайды. Мұндай қолдау клубтың спорттық және ұйымдастырушылық жүйесін тұрақтандыруға, сондай-ақ чемпионаттағы стратегиялық мақсаттарды орындауға мүмкіндік береді.
Сергей Кан – «Қазақстан мұнай және газ институты» акционерлік қоғамының жалғыз акционері әрі директорлар кеңесінің мүшесі. Ол «ЦАЭК», «ЦАТЭК» сияқты энергетикалық компанияларда үлеске ие, сондай-ақ «Circle Maritime Invest» кеме қатынасы кәсіпорнына, Rixos Almaty қонақүйіне және IQanat білім беру бастамасына қатысады. Кәсіпкердің әлеуметтік және экономикалық жобалардағы белсенділігі кәсіби футболға ұзақ мерзімді қолдау көрсетуге алғышарт жасайды.
Жоспарланған инвестициялар есебінен клуб инфрақұрылымның жақсаруын, жасөспірімдер бағдарламаларының дамуын және КПЛ деңгейінде бәсекеге қабілеттіліктің артуын күтуде. Алдағы уақытта клуб басшылығы 2026 жылғы маусымға арналған қаржыны пайдалану жоспарын және даму басымдықтарын жариялайды.
Айбар Рысдаулет
Қазақстан боксшысы әлем чемпионатының финалына шықты
ISU төрт қазақстандық шорт-трекшінің 2026 жылғы Олимпиада ойындарына жолдама алғанын растады