Тайсон мен Мэйвезер наурызда жекпе-жек өткізуге келісті
Фото: Fox News
Абсолютті әлем чемпионы болған Майк Тайсон келесі жылдың наурыз айында бес салмақ дәрежесінде әлем чемпионы атанған Флойд Мэйвезерге қарсы көрсетілімдік жекпе-жек өткізетінін мәлімдеді, деп хабарлайды Pin-UpSport.kz. Тайсонның айтуынша, кездесу Африкада ұйымдастырылып, әлемдік спорттағы ірі оқиғалардың біріне айналуы мүмкін.
Тайсон жекпе-жектің шоу форматында өтетінін атап өтіп, оның жаңа рекордтар орнатуы ықтимал екенін жеткізді. «An Experience With» бағдарламасында сөйлеген ол жекпе-жектің қызығушылық тудыруына сенімді екенін және бұл кездесуді өзінің бокс мұрасын жанкүйерлерге қайта еске салатын мүмкіндік ретінде көретінін айтты. Жекпе-жектің нақты ұйымдастыру мәселелері кейінірек жарияланбақ.
59 жастағы Тайсон кәсіби мансабында 59 жекпе-жек өткізіп, 50 рет жеңіске жетті. Ол 2005 жылы спорттық мансабын аяқтап, 2011 жылы Халықаралық бокс даңқ залына енгізілді. Соңғы жылдары Тайсон бірнеше көрсетілімдік кездесулерге қатысып, рингке қайта оралуы жанкүйерлер арасында тұрақты қызығушылық тудырып келеді.
Мэйвезер де мансабын мінсіз көрсеткішпен аяқтады: 50 жекпе-жекте 50 жеңіс, оның 27-сі нокаутпен. Ол екінші жартылай жеңіл салмақтан бастап бірінші орта салмаққа дейін бес түрлі санатта әлем чемпионы атанды. Көрсетілімдік жекпе-жек Мэйвезердің соңғы жылдары өткізіп жүрген осындай кездесулерінің жалғасы болмақ. Екі даңқты боксшының ринкте жолығуы келесі маусымның ең көп талқыланатын оқиғаларының біріне айналуы мүмкін.
Айбар Рысдаулет
«Ливерпуль» Салахпен қоштасуға дайын: форвардтың келесі қадамы анықталуда
Australian Open-2026 додасына қатысатын қазақстандық теннисшілер анықталды