«Краснодар» Қазақстан құрамасының жартылай қорғаушысын қатарына қосуды қарастыруда
Фото: Soccrates
Ресейдің «Краснодар» клубы Қазақстан ұлттық құрамасының жартылай қорғаушысы Галымжан Кенжебекті трансферлік мақсат ретінде бақылауға алды, деп хабарлайды Pin-UpSport.kz.
«Мутко против» Telegram-каналының ақпаратынша, клуб ортаңғы шепті күшейту мүмкіндігін зерделеп, «Акрон» ойыншысы Дмитрий Пестряков және «Елимай» футболшысы Галымжан Кенжебекпен келіссөздерді қатар жүргізіп жатыр.
Кенжебекке деген қызығушылық бұрын да болған. 2023 жылдың басында ол «Краснодардың» жасөспірімдер командасында қаралымнан өтіп, жаттықтырушылардың оң бағасын алған. Алайда сол кезеңде трансфер жүзеге аспады — ойыншының құқығын иеленген «Қайрат» клубы жоғары өтемақы талап етіп, тараптар келісімге келе алмады. Қазіргі жағдайда ойыншы қайтадан чемпионаттың мықты клубтарының назарында.
22 жастағы жартылай қорғаушыға шетелдік командалар да қызығушылық танытуда. Оны Шотландия, Чехия, Грекия клубтары және Венгрияның «Ференцварошы» бақылап отыр. Кенжебек 2024 жылы Еуропада бағын сынап, Кипрдің «Акристас Хлоракас» командасында ойнады, кейін Словакияның «Кошице» клубына ауысты. 2025 жылдың жазында «Елимаймен» келісімшарт жасап, командаға маусымды төртінші орында аяқтауға және Конференциялар лигасының іріктеу кезеңіне жолдама алуға көмектесті.
Кенжебектің «Краснодарға» ауысу мүмкіндігі оның кәсіби мансабында жаңа кезеңнің басталуына ықпал етуі мүмкін. Алдағы уақытта футболшының қай бағытты таңдайтыны — Ресей Премьер-лигасын бағындыру ма, әлде Еуропада карьерасын жалғастыру ма — анықталмақ.
Айбар Рысдаулет
«Интер Майами» МЛС чемпионы атанды
UFC-дегі тарихи қадам: Әліби Ыдырыс алғашқы жекпе-жекте жойқын қарсыласпен кездеседі