«Елімайда» жаңа инвестер келеді: ол кім?
Фото: Offside.kz
Қазақстандық кәсіпкер әрі меценат Дулат Тастекей «Елімай» футбол клубының акцияларын сатып алып, акционерлер қатарына қосылу мүмкіндігін зерттеп жатыр, деп хабарлайды Pin-UpSport.kz. Бұл ақпарат келіссөздердің барысымен таныс дереккөз тарапынан расталды.
«Елімай» командасы Абай облысының намысын қорғайды, ал Дулат Тастекей осы өңірдің тумасы саналады. Әңгімелесушінің айтуынша, клубқа деген қызығушылықтың маңызды себептерінің бірі — өңірлік жобаларды қолдау және әлеуметтік жауапкершілік. Бұл үрдіс ел футболындағы жекешелендіру мен корпоративтік басқару модельдерін енгізудің жалғасып жатқан кезеңіне сай келеді.
2025 жылдың тамызында «Елімай» ресми түрде коммерциялық емес акционерлік қоғам болып қайта құрылды. Осылайша, клуб Испанияның «Реалы» мен «Барселонасы» сияқты еуропалық топ-клубтардың үлгісінде корпоративтік басқару моделін енгізген Қазақстандағы алғашқы командаға айналды. Жарғылық капитал 100 млн теңгеге бағаланған акциялар шығару арқылы қалыптасты. Қоғамның акционерлері қатарында танымал қоғам қайраткерлері, спортшылар және кәсіпкерлер бар. Команда маусымды төртінші орынмен аяқтап, 2026/2027 жылғы еурокубок маусымына жолдама алды.
Дулат Тастекей — ел ішінде көптеген әлеуметтік және спорттық жобаларды қолдаумен танылған кәсіпкер. Оның бастамаларына Семейдегі орталық мешіт құрылысы, ауылдық жерлерде футбол алаңдарын салу және қазақстандық спортшыларға демеушілік көрсету жатады. Кәсіпкердің «Елімай» жобасына қызығушылығы футбол клубтарының кезең-кезеңімен жекешелендірілуі аясындағы ұлттық үрдіске толық сәйкес келеді. Бұған дейін «Ақтөбе», «Қайсар», «Қызыл-Жар» және «Жеңіс» клубтарына жеке инвесторлар келген. Ал «Шахтер» клубын жекешелендіру бойынша қоғамдық талқылау жоспарланған. «Тараз», «Елімай» және «Ертіс» клубтары бойынша келіссөздер жалғасуда.
Айбар Рысдаулет
Ангелина Лукас Дубайда өткен жекпе-жекте WBF чемпионы атанды
Жәнібек Әлімханұлы допинг-тестен мельдоний анықталғаннан кейін «B» үлгісін ашуды талап етті