ХОК мойындамаған IBA ұйымы өткізетін әлем чемпионатына Қазақстан бокс құрамасы қатысады
Абылайхан Жусупов. Фото: olympic.kz
Қазақстанның бокс құрамасы Халықаралық бокс қауымдастығы (IBA) ұйымдастыратын, Халықаралық олимпиада комитеті мойындамаған әлем чемпионатына қатысады, деп хабарлайды Pin-UpSport.kz. Жарыс 3–13 желтоқсан аралығында Дубай қаласында өтеді және World Boxing жүйесіне кірмейтін спортшылар үшін маусымдағы басты турнирлердің бірі болмақ.
IBA чемпионатты 13 салмақ дәрежесі бойынша өткізуді жоспарлап отыр. Жарыстың жүлде қоры өте жоғары: бірінші орын алған боксшыларға 300 мың доллар, күміс жүлдегерлерге 150 мың доллар, қола жүлдегерлерге 75 мың доллар, ал ширек финалға дейін жеткен спортшыларға 10 мың доллардан беріледі. Бұл жүлделер құрылымы турнирді әуесқой бокс тарихындағы ең қаржылай тартымды додалардың біріне айналдырып отыр.
Қазақстан құрамасы бұл жарысқа World Boxing ұйымы өткізген 2025 жылғы әлем чемпионатының жеңімпаздарын қоспайды. World Boxing қазіргі уақытта МОК тарапынан уақытша мойындалған және 2028 жылғы Олимпиада ойындарындағы бокс турнирін ұйымдастырады. Дегенмен, IBA турнирінде Қазақстан сапын тәжірибелі спортшылар — 2021 жылы IBA нұсқасы бойынша әлем чемпионы атанған Теміртас Жүсіпов пен Сәкен Бибосынов толықтырады. Сонымен қатар құрамға Даниял Сабит, Оразбек Асылқұлов, Серік Теміржанов, Ертуған Зейнуллинов, Санатали Толтаев, Абылайхан Жүсіпов, Сабыржан Аққалыков, Ерасыл Жақпеков, Дәулет Төлемісов, Нұрмағамед Юсупов және Нұрлан Сапарбай енді.
IBA мен World Boxing ұйымдарының қатар әлем чемпионаттарын өткізуі халықаралық бокс қауымдастығында маңызды тақырып болып отыр. World Boxing ұйымының жаңа президенті Геннадий Головкин бұған дейін ұйымның құқықтық мәртебесін жан-жақты зерттеп жатқанын айтқан еді. Ол федерацияның басты мақсаты — спортшылардың мүддесін қорғау және олардың халықаралық деңгейде лайықты жағдайға ие болуын қамтамасыз ету екенін атап өтті.
Айбар Рысдаулет
Нұрбол Жұмасқалиев келесі маусымда «Тоболдың» бас бапкері қызметін жалғастырады
Софья Берульцева Каирде өтіп жатқан әлем чемпионатының финалына жолдама алды