Әлімханұлы Лараға қарсы чемпиондық жекпе-жек өткізеді
Фото: janibek_alimkhanuly/Instagram
IBF және WBO нұсқалары бойынша орта салмақтағы әлем чемпионы Жәнібек Әлімханұлы 7 желтоқсанда WBA белбеуінің иегері, кубалық Эрисланди Ларамен кездеседі, деп хабарлайды Pin-UpSport.kz. Бұл жекпе-жек үш чемпиондық белбеуді біріктіретін кездесуге айналады.
Әлімханұлы бұл айқасқа дивизиондағы тұрақты әрі жетекші боксшылардың бірі ретінде келіп отыр. Оның соңғы жекпе-жегі сәуір айында Астанада өтіп, онда ол Анауэль Нгамиссенгены техникалық нокаутпен жеңіп, өз титулдарын сенімді қорғаған болатын.
Біріктірілген жекпе-жек АҚШ-тың Сан-Антонио қаласындағы Frost Bank Center аренасында өтеді. Qazaqstan және Qazsport арналарында айқас тікелей эфирде көрсетіледі: трансляция 7 желтоқсанда таңғы 6:00-де басталады.
Бұл кездесудің қорытындысы бірден үш белбеудің тағдырын шешеді. Әлімханұлы жеңісқа жетсе, орта салмақтағы жетекші орнын күшейтіп, абсолют чемпиондыққа бір қадам жақындайды.
Айбар Рысдаулет
«Елімай» Рамазан Оразовты «Силькеборгтан» толыққанды трансфер арқылы алуды жоспарлап отыр
«Шахтёр» клубы жеке меншікке өтті: жаңа иесі – Тимур Турлов