Елена Рыбакина WTA финалында рекордтық сыйақы иеленді
Фото: L'Avenir
Әлемнің алтыншы ракеткасы Елена Рыбакина Сауд Арабиясының Эр-Рияд қаласында өткен WTA маусымдық финалының шешуші ойынында әлемнің бірінші ракеткасы Арина Соболенконы (Беларусь) жеңіп, турнир чемпионы атанды, деп хабарлайды Pin-UpSport.kz. Бұл жеңіс қазақстандық спортшыға тек маусымның басты трофейін ғана емес, сонымен қатар әйелдер теннисі тарихындағы ең ірі қаржылай сыйақыны әкелді.
Рыбакина турнир бойы бірде-бір матчта жеңілген жоқ және осылайша WTA тарихындағы ең жоғары жүлде қорын — 5,235 миллион доллар (2,747 миллиард теңге) иеленді. Турнир ережесіне сәйкес, бұл сома барлық кездесуде жеңіске жеткен, яғни жеңілмеген чемпионға беріледі.
Жолында ол әлемнің үздік теннисшілерін — Аманда Анисимованы (4-орын), Ига Швентекті (2-орын), Екатерина Александрованы (10-орын) және Джессика Пегуланы (5-орын) жеңді. Финалда Арина Соболенкоға қарсы ойында да сенімді ойын көрсетіп, маусымды мінсіз нәтижеумен аяқтады.
Эр-Риядтағы бұл жеңіс Елена Рыбакина мансабындағы ең ірі жетістік болып, Қазақстан теннисі тарихында ерекше белес ретінде қалады. Рекордтық сыйақы мен маусымдық титул оның әлемдік рейтингтегі орнын нығайтып, үздік спортшылар қатарындағы беделін арттыра түсті.
