Қазақстан құрамасының шабуылшысы «Қайсардан» кетті
Айбар Жаксылыков. Фото: kff.kz
Қызылорданың «Қайсар» клубының және Қазақстан құрамасының шабуылшысы Айбар Жақсылықов командадан кететін болды, деп хабарлайды Pin-UpSport.kz журналист Елдар Аманбаевқа сілтеме жасап.
«Айбар Жақсылықов „Қайсарды“ тастап кетеді. Ол карьерасын басқа клубта жалғастырады. Биылғы маусымда талдықорғандық футболшы сегіз гол соғып, команданың негізгі ойыншыларының бірі болды», — деп жазды Аманбаев өз Telegram-арнасында.
2025 жылғы Қазақстан Премьер-лигасы маусымында Жақсылықов «Қайсар» сапында 25 ойын өткізіп, сегіз гол соқты және екі нәтижелі пас берді. Ол Қызылорда клубында 2024 жылдан бері өнер көрсетіп келеді.
Айбар бұған дейін «Жетісу», «Тобыл» және «Ордабасы» клубтарында ойнаған. Сондай-ақ ол Қазақстан ұлттық құрамасының тұрақты мүшесі саналады.
Айбар Рысдаулет
«Қайрат» Чемпиондар лигасындағы қалған матчтарын Астанада өткізеді
Мәнерлеп сырғанаушы Софья Самоделкина Жапонияда өтетін Гран-приде өнер көрсетеді