«Қайрат» — 2025 жылғы Қазақстан чемпионы
ФК Кайрат
26 қазан күні Алматыда маусымның шешуші ойыны өтті — «Орталық» стадионында өткен кездесуде «Қайрат» пен «Астана» тең ойнап, нәтижесінде алматылықтар 2025 жылғы Қазақстан Премьер-лигасының чемпионы атанды, деп хабарлайды Pin-UpSport.kz.
Ойынның 15-минутында «Астананың» капитаны Марин Томасов қарсыластың қақпасына алғашқы голды соқты. Алайда екінші таймда алматылықтар есепті теңестірді: Дастан Сәтпаев қарсылас қақпашысын қапы қалдырып, 56-минутта гол соғып, нәтижесінде командасына чемпиондыққа қажетті ұпайды сыйлады — 1:1.
Осылайша, «Қайрат» қатарынан екінші жыл қатарынан ел чемпионы атанып, тарихындағы бесінші алтын жүлдесін жеңіп алды. Бұған дейін клуб 1992, 2004, 2020 және 2024 жылдары чемпион болған. «Орталық» стадионында өткен ойынға мыңдаған жанкүйер келіп, өз командаларының тарихи жеңісін бірге атап өтті.
Маусым қорытындысы бойынша «Қайрат» 59 ұпай жинап, «Астананы» екі ұпайға артта қалдырды. Осылайша, алматылық клуб қазақстандық футболдағы өз үстемдігін тағы бір мәрте дәлелдеді.
Айбар Рысдаулет
Азат Мақсұм UFC-де үшінші рет жеңілді
Әділет Садыбеков: «Маусым оңай болған жоқ, бірақ жанкүйерлердің сенімін ақтадық»