Соня Жиенбаева жарақаттан кейін ITF турына сәтті оралды
Фото: ФТК
Қазақстандық теннисші Соня Жиенбаева жарақаттан кейінгі ұзақ үзілістен соң кәсіби ITF турына қайта оралды, деп хабарлайды Pin-UpSport.kz.
19 жастағы спортшының алғашқы жарысы АҚШ-та өткен W35 Бейкерсфилд турнирі болды.
Жарыстың алғашқы айналымдарында Жиенбаева сенімді ойнап, мексикалық Паулина Монтиэльді — 6:3, 6:2 есебімен, словениялық Зива Фолкнерді — 6:4, 6:1 есебімен жеңді. Ал ширек финалда босниялық Эма Бургичпен өткен тартысты кездесуде 4:6, 7:5, 6:2 есебімен басым түсті.
Осы нәтижелердің арқасында Соня турнирдің жартылай финалына жолдама алды. Онда ол Люксембург елінің өкілі Мари Векерлемен кездеседі. Бұл — оның жарақаттан кейінгі алғашқы ірі жетістігі.
Осылайша, жас теннисші үзілістен кейін кортқа жарқын оралып, өз әлеуетін тағы бір мәрте дәлелдеді.
Айбар Рысдаулет
Қазақстан теннистің дамуы жөнінен әлемдегі үздік 10 елдің қатарына кірді
«Астана» мен «Ақтөбе» ойынына барлық билет сатылып кетті