Кроуфордтың бапкері Головкинмен жекпе-жек жайлы пікір білдірді
Геннадий Головкин. Фото: Getty Images
Геннадий Головкиннің рингке қайта оралуы мүмкін деген мәлімдемесі әлемдік БАҚ-та қызу талқыланып жатыр. Бұл тақырыпқа енді үш дүркін абсолютті әлем чемпионы Теренс Кроуфордтың бапкері Брайан Макинтайр да пікір қосты, деп хабарлайды Pin-UpSport.kz.
Британ басылымына сұхбат берген маман Кроуфорд пен Головкин арасындағы қиялдағы айқасқа тоқталды. «Әңгіме Теренс жайлы болғанда, мен сенімдімін: қарсысына кім шықса да, бабында жүрген кезінде ол бәрібір үстемдік ететін еді. Оның ойлау қабілеті мен бокс IQ-ы керемет», — деді Макинтайр.
Айта кетейік, Головкин соңғы жекпе-жегін 2022 жылдың 17 қыркүйегінде Сауль «Канело» Альвареске қарсы өткізіп, ұпай санымен жеңілген. Қазақстандық боксшы мансабын аяқтағанын ресми түрде хабарлаған жоқ. Оның көрсеткіші — 45 айқас, 42 жеңіс (37 нокаут), 2 жеңіліс және 1 тең нәтиже.
