Касильяс «Алтын доп-2025» фаворитін атады
Фото: Visionhaus via Getty Images
«Реалдың» аңыз қақпашысы Икер Касильяс биылғы «Алтын доп» иегеріне қатысты пікір білдірді, деп хабарлайды Pin-UpSport.kz Foot Africa сайтына сілтеме жасап.
Испаниялық ардагердің айтуынша, басты бәсеке «Пари Сен-Жермен» ойыншысы Усман Дембеле мен «Барселонаның» жас жұлдызы Ламин Ямаль арасында өтпек. «Дембеле де, Ламин де тамаша маусым өткізді. Бірақ шешуші рөлді Чемпиондар лигасы ойнайды», — деді Касильяс.
Ол сондай-ақ 18 жастағы Ямальды «қазіргі испан футболындағы ең шешуші ойыншы» деп атап, егер биыл жүлде бұйырмаса, болашақта міндетті түрде жеңетінін айтты.
Айта кетейік, өткен маусымда Дембеле ПСЖ сапында Франция чемпионы атанып, ел Кубогы мен Чемпиондар лигасын жеңді. Ал Ямаль «Барселонамен» бірге Ла Лигада, Испания кубогында және Суперкубогында топ жарды. Салтанатты марапаттау рәсімі 22 қыркүйекте Париждегі «Шатле» театрында өтеді.
