Жібек Құламбаева Германияда тағы топ жарды
Жибек Куламбаева. Фото: Getty Images
Қазақстандық теннисші Жібек Құламбаева Германияның Висбаден қаласында өткен ITF W100 турнирінде чемпион атанды. Жібек жұптық сында Латвиядан келген Дарья Семенистаямен бірге финалда чехиялық Джесика Малечкова мен Мириам Скодан басым түсті.
Шешуші матч 4:6, 6:3, 11:9 есебімен аяқталды. Бұл жеңіс Жібек үшін қатарынан екінші ITF W100 титулы болды.
Осылайша, Құламбаеваның кәсіби мансабындағы ITF турнирлеріндегі жеңістер саны 40-қа жетті. Жібек әлемдік ареналарда Қазақстанның атын шығаруды жалғастырып келеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
