Зарина Дияс мансабын аяқтау себебін түсіндірді
Фото: Getty Images
Қазақстандық теннисші Зарина Дияс кәсіби мансабын аяқтау себебін түсіндірді, деп хабарлайды Pin-UpSport.kz. Оның айтуынша, бұл шешімге жарақаттар әсер еткен.
«Көп адам менен неге аяқтадым деп сұрайды, ерте дейді, әлі ойнай алатын едің дейді… Мен бұл шешімді жарақаттар маза бермегендіктен қабылдадым. Физикалық тұрғыда өте қиын болды, бір сәтте ағзам «тоқта» деді. Бұл оңай шешім болған жоқ: кәсіби мансапты аяқтау кез келген спортшы үшін ауыр. Мен бұл қадамға ұзақ келдім, көп ойландым, күмәндандым. Бірақ қазір бұл дұрыс шешім екенін түсінемін. Мен өз денемді тыңдадым», — деді Дияс.
Ол сондай-ақ әр адам өзіне дұрыс деп санайтын шешімді қабылдауы тиіс екенін айтты. «Әркім өзіне не дұрыс болса, соны істеуі керек, басқалардың сөзіне емес — нағыз күш осында», — деп қосты ол.
«Әрине, эмоциялар, жарыстар, адреналин жетіспейді — оны ештеңе алмастыра алмайды. Бірақ мен қолымнан келгеннің бәрін жасадым және ештеңеге өкінбеймін. Ал теннис… ол жоғалмайды, тек өмірімнің жаңа кезеңінің бір бөлігіне айналады», — деді спортшы.
Зарина Диястың WTA рейтингіндегі ең жоғары көрсеткіші — 2015 жылдың қаңтарындағы 31-орын. 2017 жылы ол Жапония ашық чемпионатында жеңіске жетіп, жалғыз WTA титулын иеленді. Жалпы мансабында 13 титул жеңіп алған.
Айбар Рысдаулет
Елена Рыбакина WTA рейтингінде Арина Соболенкодан арақашықтықты қысқартты
Мадридтегі WTA 1000 турнирінің жүлде қоры жарияланды