Заңғар Нұрланұлы Australian Open-2026 нәтижесінен кейін ITF жасөспірімдер рейтингінің үздік ондығына кірді
17 жастағы қазақстандық теннисші Заңғар Нұрланұлы Australian Open-2026 жасөспірімдер арасындағы турнирде сәтті өнер көрсетіп, ITF Juniors әлемдік рейтингіндегі орнын айтарлықтай жақсартты, деп хабарлайды Pin-UpSport.kz.
Мельбурн корттарындағы нәтижесінің арқасында ол рейтингте бірден үш сатыға көтеріліп, 12-орыннан 9-орынға шықты және мансабында алғаш рет әлемнің үздік он жас теннисшісінің қатарына енді.
Заңғар Нұрланұлы үшін бұл турнирдің басты жетістігі — жекелей сында жартылай финалға шығуы болды. Осылайша, ол Қазақстан тарихында юниорлар арасындағы Австралияның ашық чемпионатында жекелей сында жартылай финалға жеткен алғашқы теннисші атанды. Турнир барысында көрсеткен тұрақты ойыны Нурланұлына маңызды рейтингтік ұпайлар жинауға және әлемдік деңгейде өз орнын нығайтуға мүмкіндік берді.
Жартылай финалда қазақстандық спортшы АҚШ өкілі Китон Ханспен кездесіп, 3:6, 2:6 есебімен жеңіліс тапты. Соған қарамастан, бұл нәтиже оның рейтингтегі айтарлықтай ілгерілеуіне жол ашты. Китон Ханс аталған жеңістен кейін ITF Juniors рейтингінде жетінші орынға көтерілді, алайда финалда словениялық Жига Шешкодан 6:4, 3:6, 4:6 есебімен ұтылды. Қазіргі таңда Шешко жасөспірімдер арасындағы әлемдік рейтингтің төртінші сатысында тұр.
Australian Open-2026 турнирінің жартылай финалы Заңғар Нұрланұлы үшін «Үлкен дулыға» жарыстарындағы ең жоғары нәтиже болып есептеледі. Бұл жетістік қазақстандық теннисшінің қарқынды дамып келе жатқанын және халықаралық аренадағы болашағы зор екенін көрсетеді. Әлемнің үздік он жасөспірім теннисшісінің қатарына енуі оның алдағы мансабына берік негіз қалайды.
Айбар Рысдаулет
Теренс Кроуфорд мансабын аяқтау себебін түсіндірді: «Бұл спортта қол жеткізбеген мақсатым қалмады»
Гвардиола «Манчестер Сити» клубінен 2026 жылдың жазында кетуі мүмкін