Ян мен Двалишвили арасындағы үшінші жекпе-жек тамызда өтуі мүмкін
Фото: Чемпионат
Петр Ян мен Мераб Двалишвили арасындағы үшінші жекпе-жек 15 тамызда Филадельфияда өтетін UFC 330 турнирінде ұйымдастырылуы мүмкін, деп хабарлайды Pin-UpSport.kz. Бұл туралы грузиялық файтер мәлімдеді.
Бұл екі спортшы бұған дейін де кездескен және олардың текетіресі дивизиондағы маңызды қарсыластықтардың бірі саналады. Үшінші жекпе-жек салмақтағы жағдайға әсер ететін маңызды кездесу ретінде қарастырылып отыр.
Двалишвилидің айтуынша, бастапқыда айқас маусым айына жоспарланған еді, алайда кейінге шегерілді. «Менің ойымша, біздің жекпе-жек тамызда өтеді, себебі егер шілдеде болса, бізге әлдеқашан хабарласар еді. Мүмкін, олар айқасты тамызға ауыстырды, бірақ қай кезде болса да мен дайын боламын», — деді ол.
Кездесудің кейінге қалдырылуына Петр Янның жарақаты себеп болған. Егер жекпе-жек тамызда өтсе, екі спортшы да дайындыққа қосымша уақыт алады.
Айбар Рысдаулет
Елена Рыбакина Мадридтегі нәтижесіне пікір білдірді
Дастан Амангелді маусым айында Oktagon MMA турнирінде жекпе-жек өткізуі мүмкін