WBO Жәнібек Әлімханұлын Кроуфордтың ықтимал қарсыластары қатарына қосты
Жанибек Алимханулы. Фото: janibek_alimkhanuly/Instagram
Әлемдік бокс ұйымы орта салмақтағы чемпион Жәнібек Әлімханұлын екінші орта салмақтың абсолютті чемпионы Терренс Кроуфордқа қарсылас ретінде атады, деп хабарлайды Pin-UpSport.kz.
Ұйымның ресми әлеуметтік желілерінде жарияланған тізімде қазақстандықтан бөлек ресейлік Дмитрий Бивол мен британдық Хамза Шираз бар.
«Жәнібек пе? Бивол ма? Әлде Шираз ба? Үш есім, үш сынақ, Кроуфордтың келесі жекпе-жегі үшін үш мүмкіндік», — делінген WBO жазбасында.
Өткен аптада Кроуфорд Сауль «Канело» Альваресті төрешілердің бірауыз шешімімен жеңіп, екінші орта салмақта абсолютті чемпион атанған болатын. Кейін ол орта салмаққа түсіп, тағы бір белдікті иеленуге ниетті екенін мәлімдеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
