Соня Жиенбаева Қытайдағы турнирдің ширек финалына шықты
Фото: ФТК
Қазақстандық теннисші Соня Жиенбаева Қытайда өтіп жатқан ITF W50 Wuning турниріндегі жеңісті жолын жалғастырып жатыр, деп хабарлайды Pin-UpSport.kz.
1/8 финалда қазақстандық спортшы ресейлік Варвара Паншинамен кездесті. Қазіргі таңда Паншина WTA рейтингінде 371-орында тұр. Ал Жиенбаева турнирге әлемнің 1037-ракеткасы ретінде қатысуда.
Кездесудің алғашқы партиясында ресейлік теннисші 6:3 есебімен жеңіске жетті. Алайда кейін қазақстандық спортшы ойын тізгінін өз қолына алып, келесі екі сетті 6:3 және 6:4 есебімен аяқтады.
Осылайша матч Соня Жиенбаеваның пайдасына 3:6, 6:3, 6:4 есебімен аяқталды.
Бұл жеңістің арқасында қазақстандық теннисші жарыстың ширек финалына жолдама алды.
Келесі кезеңде Жиенбаева жапониялық Рина Сайго мен қытайлық Ван Цзяци арасындағы матчтың жеңімпазымен кездеседі.
Айбар Рысдаулет
Шон Стрикленд Ақ үйдегі UFC турниріне қатыса алмайтынын мәлімдеді
Мирра Андреева мансабында алғаш рет «Үлкен дулыға» финалына шықты