Шавкат Рахмонов операциядан кейін үзіліс алатынын мәлімдеді
Қазақстандық UFC жауынгері Шавкат Рахмонов операциядан өткенін және жарақаттарына байланысты уақытша үзіліс алуға мәжбүр екенін хабарлады, деп хабарлайды Pin-UpSport.kz. Осыған байланысты оның октагонға оралу мерзімі нақты белгісіз болып отыр. Бұл туралы спортшы әлеуметтік желідегі парақшасында ресми түрде мәлімдеді.
Рахмоновтың айтуынша, жарақаттар ұзақ уақыт бойы мазалап келген және ақыр соңында хирургиялық араласуды талап еткен. Ол кәсіби спорттағы жолдың оңай болмайтынын атап өтіп, әрбір үлкен мақсат белгілі бір құрбандықты қажет ететінін жеткізді. Денсаулық мәселесіне байланысты қабылданған шешім оның болашақтағы мансабын сақтау үшін маңызды қадам екенін айтты.
Қазақстандық файтер толық қалпына келу үшін уақыт қажет болатынын және осы себепті жекпе-жектерге қайта оралу кейінге шегерілетінін мәлімдеді. Сонымен қатар, ол қазіргі жағдайды мансабындағы тоқырау емес, керісінше маңызды кезең ретінде бағалайтынын жеткізді. Рахмонов өзінің басты мақсаты өзгермегенін және UFC чемпионы атағын Қазақстанға әкелу ниетін сақтап отырғанын атап өтті.
Бұған дейін спортшының менеджері Дэнни Рубинштейн Шавкат Рахмоновтың оңалту кезеңі шамамен тоғыз–он айға созылуы мүмкін екенін айтқан болатын. Соңғы жекпе-жегін қазақстандық спортшы 2024 жылдың желтоқсанында UFC 310 турнирінде өткізіп, Иэн Мачадо Гэрриді төрешілердің бірауыздан қабылдаған шешімімен жеңген. Қазіргі таңда Шавкат Рахмоновтың кәсіпқой мансабында 19 жеңіс және бірде-бір жеңіліс жоқ, ал толық сауығып шыққан соң ол чемпиондық жарысқа қайта оралуға ниетті.
Айбар Рысдаулет
Елена Рыбакина Australian Open жеңісінен кейін Абу-Дабидегі турнирді өткізіп алады
Карлос Алькарас Australian Open-2026 турнирінің чемпионы атанды