Сауд Арабиясына Роналдудың артынан Месси келуі мүмкін
Фото: Maiami
Сауд Арабиясының Қоғамдық инвестициялық қоры Аргентина құрамасы мен «Интер Майами» шабуылшысы Лионель Мессимен алғашқы келіссөздерді бастап кетті. Бұл туралы TEAMtalk басылымы жазды.
Қазір елдегі үздік төрт клуб – «Аль-Ахли», «Аль-Хиляль», «Аль-Иттихад» пен «Аль-Наср» футболшыны өз сапына қосуды қарастырып жатыр. Жоба мақсаты – Мессиді Криштиану Роналдудан кейін жергілікті чемпионаттың екінші әлемдік брендіне айналдыру.
Қос тараптың диалогы әзірге бастама кезеңінде. Егер Лионель Азияға көшуге ниет білдірсе, келісімнің нақты шарттарын талқылау басталады.
Айта кетейік, Месси 2021 жылға дейін «Барселонада» ойнады, кейін екі маусым бойы ПСЖ сапында өнер көрсетті. 2023 жылдан бері АҚШ-тың «Интер Майами» клубында доп теуіп жүр.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Қазақстандық екі каратэші әлемнің үздігі атандыКелесі мақала:
Қазақстан клубтары Еуропа рейтингінде қай сатыда тұр?