Санатәлі Төлтаев WBC Гран-при турнирінің ширек финалына шықты
Фото: Boxing Grand Prix
Қазақстандық боксшы Санатәлі Төлтаев Сауд Арабиясында өтіп жатқан WBC және Турки әл аш-Шейх ұйымдастырған Гран-при турнирінің екінші жекпе-жегінде жеңіске жетті, деп хабарлайды Pin-Upsport.kz.
1/8 финалда ол кәсіпқой бокста әлі жеңілмеген филиппиндік Джеральд Интомен (12-0, 9 KO) қолғап түйістірді. Бірінші жартылай орта салмақтағы жекпе-жек алты раундқа созылып, төрешілердің бір ауыздан шығарған шешімімен Төлтаевтың пайдасына аяқталды — 57-55, 58-54, 57-55.
Айта кетейік, Санатәлі әуесқой бокста 2019 жылғы Азия чемпионатының қола жүлдегері, ал 2024 жылы Қарағандыда өткен Қазақстан чемпионатының күміс жүлдегері атанған.
Сонымен қатар, ол 2021 жылы Белградта және 2023 жылы Ташкентте өткен әлем чемпионаттарында Қазақстан құрамасы сапында өнер көрсеткен.
