Қазақстан шпажистері Азия чемпионатының финалына шықты
Фото: НОК РК
Қазақстан ерлер құрамасы Бали аралында (Индонезия) өтіп жатқан Азия чемпионатында шпагадан финалға жолдама алды, деп хабарлайды Pin-Upsport.kz.
Команда сапында Эльмир Алимжанов, Вадим Шарлаимов, Ерлік Сертай және Руслан Курбанов өнер көрсетіп жатыр.
Жарыстың плей-офф кезеңінде қазақстандықтар алдымен Түрікменстанды 45:21 есебімен жеңді. Одан кейін Сингапур құрамасын 43:31 есебімен тізе бүктірді. Ал жартылай финалда Қытайды ойсырата ұтып, 45:24 нәтижесімен финалға шықты.
Шешуші ойында Қазақстан құрамасы Жапониямен кездеседі. Финал бүгін, 21 маусымда өтеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
