Рыбакинаның үшінші айналымдағы қарсыласы анықталды
Фото: Пресс-служба ФТК
Қазақстандық теннисші Елена Рыбакина (№10) Бейжіңде өтіп жатқан WTA 1000 турнирінің үшінші айналымында кіммен ойнайтыны белгілі болды, деп хабарлайды Pin-UpSport.kz. 29 қыркүйекте ол германиялық Ева Лиске (№66) қарсы шығады.
Лис америкалық Ива Йовичті (№37) тартысты ойында 6:3, 4:6, 7:5 есебімен ұтты. Кездесу 2 сағат 39 минутқа созылды. Неміс спортшысы 1 эйс жасап, 10 қос қате жіберді. Ал Йович 4 эйс орындап, бірде-бір қате тіркемеді.
Айта кетейік, Рыбакина турнирді екінші айналымнан бастап, америкалық Кэти Макнэллиді (№90) сенімді жеңген болатын. Бейжің турнирінің жүлде қоры 8 963 700 АҚШ долларын құрайды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
