Рыбакина WTA рейтингінде 10-орынды сақтап қалды
Фото: Getty Images
Әйелдер теннис қауымдастығы (WTA) жаңа рейтингті жариялады. Қазақстандық Елена Рыбакина үздік ондықтағы орнын сақтап, 10-орында тұр, деп хабарлайды Pin-UpSport.kz.
Жаңартылған тізімнің көш басында өзгеріс жоқ: бірінші орында – Беларусь өкілі Арина Соболенко, екінші орында – Польшадан Ига Швёнтек, үшінші орында – АҚШ спортшысы Кори Гауфф. Қазақстандық Юлия Путинцева бір саты төмен түсіп, 61-орынды иеленді.
Жұптық рейтингте де алғашқы үштік өзгеріссіз қалды: Тейлор Таунсенд (АҚШ), Катержина Синякова (Чехия) және Эрин Рутлифф (Жаңа Зеландия). Қазақстандық Анна Данилина бір орынға төмендеп, 13-ші сатыға түсті. Путинцева 107-орында болса, Жібек Құламбаева 19 сатыға көтеріліп, 109-орынға табан тіреді. Ал Рыбакина екі орын төмен түсіп, қазір 265-ші орында тұр.
