Рыбакина ширек финалда Соболенкомен кездеседі
Фото: NurPhoto
Әлемнің бірінші ракеткасы Арина Соболенко Цинциннатиде өтіп жатқан WTA 1000 турнирінің ширек финалына жолдама алды, деп хабарлайды Pin-UpSport.kz.
27 жастағы беларусь спортшысы төртінші айналымда әлемдік рейтингтің 42-орнында тұрған 22 жастағы испан теннисшісі Джессика Бузас Манейроны 6:1, 7:5 есебімен ұтты.
Ойын 1 сағат 21 минутқа созылды. Соболенко үш эйс жасап, бір қос қате жіберді және жеті брейк-пойнттың бесеуін іске асырды. Ал қарсыласының еншісінде екі эйс, төрт қос қате және алты мүмкіндіктің екеуін голға айналдыру бар.
Келесі кезеңде Соболенко Қазақстанның бірінші ракеткасы, әлемнің оныншы нөмірлі теннисшісі Елена Рыбакинамен кортқа шығады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
