Рыбакина «Ролан Гаррос» алдында рейтингте жоғарылады
Фото: Getty Images
«Ролан Гаррос» турнирі қарсаңында Әйелдер теннис қауымдастығы (WTA) жаңартылған рейтингті жариялады. Бірінші орында әлі де Беларусь өкілі Арина Соболенко тұр. Екінші және үшінші орындарды америкалықтар Кори Гауфф пен Джессика Пегула иеленген.
Қазақстан атынан сынға түсетін Елена Рыбакина Страсбургтегі WTA 500 турнирінің жеңімпазы атанып, рейтингте бір саты жоғарылап, 11-орынға жайғасты. Юлия Путинцева да бір орынға көтеріліп, 31-сатыға шықты.
Жұптық рейтингте үздік үштік өзгеріссіз қалды: чехиялық Катержина Синякова көш бастап тұр, оның артында америкалық Тейлор Таунсенд пен Жаңа Зеландиядан Эрин Рутлифф орналасқан. Қазақстандық Анна Данилина бір саты жоғарылап, 17-орынға шықты. Жібек Құламбаева 115-сатыда, ал Путинцева үш орын төмендеп, 73-орынға түсіп қалды.
Айбар Рысдаулет
Хоккейден АҚШ құрамасы 65 жылдан кейін алғаш рет чемпион атанды
Шавкат пен Белал жекпе-жегі қазан айына белгіленді